Нямеччына пачне перамяшчаць сваю вайсковую брыгаду ў Літву са студзеня 2024 года
Камандуючы Узброенымі сіламі Нямеччыны Карстэн Броер заявіў, што з пачатку 2024 года ў Літве будзе разгортвацца нямецкая армейская брыгада, паведамляе svaboda.org.
Міністар абароны Нямеччыны Борыс Пісторыюс 26 чэрвеня ў часе свайго візыту ў Вільню (Літва) заявіў пра гатоўнасць размясціць на тэрыторыі Літвы дадаткова 4 тысячы вайскоўцаў на сталай аснове. Такую заяву ён зрабіў пасля таго, як літоўскі прэзідэнт Гітанас Наўседа заклікаў NATO ўмацаваць усходні фланг пасля мецяжу вагнэраўцаў у Расеі і перамяшчэння ПВК «Вагнер» у Беларусь.
Цяпер у Літве стала знаходзяцца 800 нямецкіх вайскоўцаў, яшчэ 650 перакінулі туды часова пасля расейскага ваеннага ўварвання ва Украіну.
Перамовы аб размяшчэнні нямецкай брыгады ў Літве пачаліся ў траўні 2023 года.
Artykuł Нямеччына пачне перамяшчаць сваю вайсковую брыгаду ў Літву са студзеня 2024 года pochodzi z serwisu БЕЛАРУСКАЕ РАДЫЁ РАЦЫЯ.