Заявіў сакратар Рады нацыянальнай бяспекі і абароны Украіны Аляксей Данілаў.
Узброеныя сілы Беларусі чакаюць сур’ёзныя наступствы, калі «бот хоць бы аднаго беларускага салдата перасячэ мяжу», заявіў сакратар Рады нацыянальнай бяспекі і абароны (РНБА) Украіны Аляксей Данілаў.
Паводле словаў Данілава, украінскі бок «пасылае сігналы» беларускім вайскоўцам, а таксама іх жонкам, каб яны «не думалі ўдзельнічаць у вайне».
«Нягледзячы на тое, што з беларускага боку ідзе зараз, мы стрымліваем сябе, каб не даваць адказ. Але калі бот хаця б аднаго беларускага салдата перасячэ мяжу, ён будзе знішчаны», — запэўніў Данілаў. Сакратар РНБА адзначыў, што ўкраінскае камандаванне мае дастатковую інфармацыю аб «ваенных справах, якія вядуцца на тэрыторыі Беларусі».
Генштаб Узброеных сілаў Украіны 20 сакавіка паведаміў аб «прыкметах падрыхтоўкі» беларускіх войскаў да «прамога ўварвання на тэрыторыю Украіны». У сувязі з ваеннай агрэсіяй заходнія краіны ўвялі ў дачыненні да Расеі беспрэцэдэнтныя санкцыі, у дачыненні да Беларусі, кіраўніцтва якой лічаць саўдзельнікам Масквы, прыняты меншыя, але ўсё роўна істотныя абмежавальныя меры.
Беларускае Радыё Рацыя
