За 11 месяцаў валютная выручка склала 33,3 млрд долараў, скараціўшыся ў параўнанні з аналагічным перыядам 2019 года на 4,5 млрд долараў.
Валютная выручка Беларусі ў студзені—лістападзе 2020 года паменшылася на 11,9% у параўнанні з аналагічным перыядам пазамінулага года, сведчаць дадзеныя Нацбанка.
За 11 месяцаў валютная выручка склала 33,3 млрд долараў, скараціўшыся ў параўнанні з аналагічным перыядам 2019 года на 4,5 млрд долараў.
Выручка ад экспарту тавараў склала 24 млрд 688,2 млн долараў (-13,3%, або 3 млрд 785,4 млн долараў), выручка ад экспарту паслуг — 7 млрд 854,4 млн долараў (-7,4%, або 630,2 млн долараў).
На думку экспертаў, значнае скарачэнне валютнай выручкі абумоўленае змяншэннем паставак расійскай нафты ў Беларусь у першым квартале 2020 года, скарачэннем знешняга попыту на беларускія тавары і паслугі з-за пандэміі COVID-19, зніжэннем кошту ў свеце сыравінных тавараў (у прыватнасці, калійных угнаенняў), якія экспартуе Беларусь.
Беларускія ўлады прагназуюць, што ў 2021 годзе на фоне аднаўлення сусветнай эканомікі ад пандэміі атрымаецца павялічыць экспарт больш чым на 5%, ВУП — на 1,8%.
12 студзеня Аляксандр Лукашэнка, прымаючы з дакладам членаў урада, заявіў, што зацверджаныя планавыя паказчыкі павінны выконвацца: „Менавіта планы. Не нейкія там прагнозы. Гэтую балбатню так званую рынкавую трэба заканчваць. Ёсць жорсткі план. Калі мы хочам выжыць, то мы павінны планы гэтыя рэалізаваць. Няхай нас крытыкуюць, што мы рэтраграды, кансерватары і гэтак далей. Калі будуць прадпрыемствы працаваць, чалавек будзе мець заробак, і пажадана хаця б трошкі вышэйшы, чым у мінулым годзе, тады нас ацэняць”.
Фота: Тут.бай
