Міжнародная федэрацыя цяжкай атлетыкі адхіліла спартсмена ад спаборніцтваў за выкарыстанне або спробу выкарыстання фізічных або хімічных маніпуляцый.
Беларускі цяжкаатлет Максім Мудрэўскі дыскваліфікаваны на чатыры гады за парушэнне антыдопінгавых правілаў.
Міжнародная федэрацыя цяжкай атлетыкі адхіліла спартсмена ад спаборніцтваў за выкарыстанне або спробу выкарыстання фізічных або хімічных маніпуляцый/ фальсіфікацыю або спробу фальсіфікацыі любой складнікам допінг-кантролю, паведамляе сайт НАДА.
Усе вынікі Мудрэўскага за перыяд з 2016 па 2020 ануляваныя. У тым ліку анулявана чацвёртае месца беларуса ў двубор’і на чэмпіянаце Еўропы-2019 у вагавой катэгорыі да 89 кг. Тэрмін дыскваліфікацыі адлічваецца з 3 жніўня.
Марына Арзамасава дыскваліфікавана на 4 гады.
Беларуская бягуха, чэмпіёнка свету-2015 Марына Арзамасава была адхіленая ад спаборніцтваў за парушэнне антыдопінгавых правілаў у канцы жніўня 2019 года. Такое рашэнне прыняла Міжнародная асацыяцыя лёгкаатлетычных федэрацый. У спробе спартоўкі было выяўлена забароненае рэчыва LGD-4033 – адзін з селектыўных мадулятараў андагенных рэцэптараў. Арзамасава, якая выйграла золата на чэмпіянаце свету-2015 у Пекіне, таксама перамагла на чэмпіянаце Еўропы-2014 у Цюрыху. Сёлета яна падпісала ліст спартоўцаў з асуджэннем гвалту сілавікоў, але потым адклікала свой подпіс.
Арцём Парахоўскі стаў гульцом „Цмокi-Мiнск”
Цэнтравы Арцём Парахоўскі стаў гульцом „Цмокi-Мiнск”.
„Бакі падпісалі так званы „адкрыты кантракт”. Гэта азначае, што ў выпадку атрымання больш цікавай прапановы гулец можа пакінуць клуб.
У юнацтве Арцём гуляў за каледж Паўднёвага Айдаха і ўніверсітэт Радфорд. У 2009 годзе цэнтравы вывеў Радфорд ў фінальную стадыю NCAA. Пры гэтым двойчы прызнаваўся найлепшым гульцом у канферэнцыі Big South. Сваё дарослую кар’еру Парахоўскі пачаў у рыжскім ВЭФе. Затым быў украінскі „Будзівельнік” „праездам” праз італьянскі „Канту”. У 2012 годзе Арцём паспрабаваў трапіць у НБА праз Кэмп ў Лас-Вегасе, але ў выніку адправіўся ў Турцыю. У кар’еры гульца былі таксама „Хапаэль” з Іерусаліма, „Ніжні Ноўгарад”, два сезона у клубе „Унікс”, „Макабі” і „Рытас”. Сезон-2019/20 цэнтравы пачынаў у бялградскім „Партызане”, але ў студзені перабраўся ў „Страсбург”.
Арцём дапамог зборнай Беларусі перайграць каманды Албаніі і Кіпра, гарантаваўшы тым самым нашай нацыянальнай дружыне ўдзел у наступным раўндзе. Падключэнне Парахоўскага павінна стаць узмацненнем каманды на групавым этапе Лігі чэмпіёнаў. Наша каманда святкавала дзве перамогі ў трох матчах і мае ўсе шанцы трапіць у плэй-оф! „- гаворыцца ў паведамленні прэс-службы сталічнага клуба.
Расейцы занялі ўвесь п’едэстал на этапе Кубка свету па Фрыстайле
Расеец Максім Бураў выйграў этап Кубка свету па лыжнай акрабатыцы ў Фінляндыі. Другім стаў яго суайчыннік Павел Кротаў, тройку замкнуў яшчэ адзін прадстаўнік Расіі Ілля Бураў. Лепшым з беларусаў стаў Максім Гусцік – ён фінішаваў сёмым. Ніводзін беларус у суперфінальную спробу не адабраўся.
Стаў вядомы склад зборнай Беларусі на індывідуальным КС-2020 па барацьбе
Стаў вядомы склад зборнай Беларусі на індывідуальны Кубак свету – 2020 па барацьбе, які ў снежні прыме сталіца Сербіі Бялград, паведамілі БЕЛТА ў прэс-службе Беларускай федэрацыі барацьбы. У спаборніцтвах па вольнай барацьбе зроблена стаўка на Уладзіслава Андрэева (57 кг), Нюргуна Скрабіна (65 кг), Дзяніса Салаўя (70 кг), Азамата Нурыкава (74 кг), Магамедхабіба Кадзімагамедава (79 кг), Расула Ціхаева (86 кг), Аркадзя Пагасяна (92 кг), Аляксандра Гуштына (97 кг) і Дзяніса Храменкова (125 кг). У турніры па жаночай барацьбе выступяць Заліна Сідакова (53 кг), Ірына Курачкіна (55 кг), Яўгенія Андрэйчыкава (65 кг) і Васіліса Марзалюк (76 кг). У стартах па грэка-рымскай барацьбе выступяць Максім Кажарскі (60 кг), Саслан Даураў (63 кг), Павел Лях (77 кг), Радзік Куліеў (82 кг), Кірыл Маскевіч (87 кг) і Аляксандр Грабовік (97 кг). Змаганні ў Бялградзе павінны былі прайсці ў статусе чэмпіянату свету, аднак у сярэдзіне лістапада кіраўніцтвам Міжнароднай федэрацыі барацьбы было прынята рашэнне аб змене фармату турніру на індывідуальны Кубак свету.
Беларускае Радыё Рацыя
