Уладзімір Крыкуноў можа быць звольнены з маскоўскага „Дынама”
Ілля Івашка выбыў у 1/8 фіналу турніру ў Нур-Султане
Беларус Ілля Івашка (132-ы нумар рэйтынгу АТП) выбыў у 1/8 фіналу турніру ў Нур-Султане. Наш суайчыннік саступіў расейцу Канстанціну Краўчуку (340 АТП) – 6:1, 3:6, 2:6.
Беларуска Вольга Лушчык выбыла з медалёвай гонкі чэмпіянату свету па жаночым боксе
Беларуска Вольга Лушчык (вагавая катэгорыя 51 кг) выбыла з медалёвай гонкі чэмпіянату свету па жаночым боксе, які праходзіць у Расеі. Беларуска прайграла аднагалосным рашэннем суддзяў тытулаванай калумбійскай спартоўцы Інгрыі Валенсіі – 0:5. У складзе зборнай Беларусі на чэмпіянаце свету таксама выступяць Юлія Апанасовіч (54 кг), Галіна Бруевіч (57 кг), Ала Яршэвіч (60 кг), Вікторыя Кебікава (75 кг) і Кацярына Кавалёва (звыш 81 кг).
Юныя беларускія хакеісты саступілі расейскім аднагодкам на турніры ў Пекіне
У Пекіне ў другі дзень міжнароднага хакейнага турніру юнацкіх зборных беларусы саступілі расейцам у серыі пасляматчавых булітаў – 0:1. Беларусы перакідалі сапернікаў больш чым у 2 разы – 26:12, але не змаглі закінуць.
Беларускі перамаглі Дамініканак на старце моладзевага чэмпіянату свету па баскетболе 3х3
Жаночая моладзевая зборная Беларусі па баскетболе 3х3 пераможна пачала выступленне на чэмпіянаце свету (U-23) у кітайскім Ланьчжоў. У стартавым матчы папярэдняй групы А беларускі ўпэўнена перайгралі каманду Дамініканскай Рэспублікі з лікам 22:12. У складзе пераможцаў дзевяць ачкоў набрала Арына Масько. У другім паядынку беларускія баскетбалісткі аказалі ўпартае супраціўленне расейкам, але ўсё ж саступілі з розніцай у тры ачкі – 12:15. Заўтра падапечныя Юрыя Ваўка правядуць два заключныя матчы папярэдняга этапу – супраць баскетбалістак Інданезіі і Чэхіі.
Уладзімір Крыкуноў можа быць звольнены з маскоўскага „Дынама”
Заслужаны трэнер Беларусі Уладзімір Крыкуноў можа быць звольнены з маскоўскага „Дынама”. Калі гэта адбудзецца, то ў руля каманды 69-гадовага спецыяліста заменіць Юрый Бабенка, які займае пасаду старэйшага трэнера. Маскоўскае „Дынама” прайграла тры гульні запар і займае пятае месца ў Заходняй канферэнцыі КХЛ.
Луіс Суарэс выйшаў на трэцяе месца па галам за „Барселону” ў Лізе чэмпіёнаў
Нападнік „Барселоны” Луіс Суарэс пасля дубля ў матчы з „Інтэрам” выйшаў на 3-е месца ў спісе бамбардзіраў клуба ў Лізе чэмпіёнаў. Цяпер у уругвайца 22 галы ў 50 гульнях за каталонцаў. Суарэс абышоў Неймара і Патрыка Клюйверта. Больш уругвайца за „Барселону” ў Лізе чэмпіёнаў забівалі толькі Рывалда (25 галоў у 45 гульнях) і Ліянэль Месі (112 у 137 матчах).