Канцэрт з нагоды Дня польскага войска адбыўся ў Гародні
У прасторнай зале на вуліцы Будзёнага незарэгістраваны ўладамі Саюз палякаў у Беларусі прыцягнуў да выступу творчыя калектывы аб’яднання, навучэнцаў школы імя Сцяпана Батуры, спартоўцаў Саюза.
На канцэрце былі ганаровыя госці: міністр па міжнародных справах Польшчы Ганна Кацярына Шмідт-Радзевіч, дыпламаты, лідары рэгіянальных структураў Саюза палякаў у Беларусі. Як сказала міністр, пытанне аб прызнанні Саюза палякаў у Беларусі ўвесь час у думках польскай дыпламатыі ды ўрада Польшчы.
– Польшча на працягу шэрагу апошніх гадоў робіць захады, каб гэтая справа была вырашана. Адным з элементаў польскай замежнай палітыкі ёсць вырашэнне пытання легальнага функцыянавання Саюза палякаў у Беларусі і задбанне пра справы польскай меншасці ў Беларусі. І сёння мы маем за сабой чарговы этап гэтай працы.
Такім этапам, на думку міністра Ганны Кацярыны Шмідт-Радзевіч, стане сустрэчны візіт Леаніда Гулякі, упаўнаважанага па справах рэлігіі і міжнародных справаў, у Польшчу. Там ён зможа ўбачыць, як польская дзяржава дбае пра справы беларускай нацыянальнай меншасці.
[See image gallery at racyja.com]
Якуб Сушчынскі, Беларускае Радыё Рацыя
Фота аўтара