Выстава «Праваслаўе ў аб’ектыве»
«15 гадоў орт фота» ля сабора Святога Мікалая ў Беластоку. Выставу, якая раней прэзентавалася таксама на рынку Касцюшкі, можна глядзець яшчэ два дні.
Як кажа кіраўнік „Орт фота нэт” і аўтар выставы Аляксандр Васылюк, яна пераедзе ў Варшаву:
– Выстава «Праваслаўе ў аб’ектыве» падсумоўвае 11-годдзе дзейнасці сэрвісу, які карыстаецца вельмі вялікім поспехам. Мноства жыхароў горада і турыстаў яе ўжо паглядзела. Ведаю, што шмат нават маіх знаёмых адкладаюць да апошняга. Хочацца прыгадаць, што больш такой нагоды ў Беластоку не будзе. Выстава будзе знята, у суботу вывешваем яе на агароджы Катэдры Марыі Магдалены ў Варшаве. І цягам бліжэйшых двух месяцаў яна будзе ў Варшаве.
„Орт фота” – інтэрнэт партал, прысвечаны фатаграфіям, якіх аб’ядноўвае тэма праваслаўя ў свеце. Цягам апошніх 15 гадоў на ім было прэзентавана звыш 100 тысяч фотаздымкаў пра праваслаўе ў свеце і на Падляшшы.
Валянціна Лаеўская, Беларускае Радыё Рацыя