У мінулым годзе пісьменніца атрымала Букераўскую прэмію за раман „Бегуны” („Bieguni”).
Вольга Такарчук (Olga Tokarczuk) другі раз запар увайшла ў фінал Міжнароднай Букераўскай прэміі. Ейная кніга „Вядзі свой плуг па касцях мёртвых”( Prowadź swój pług przez kości umarłych) трапіла ў гэтак званы кароткі спіс з шасці вылучаных кніг.
Міжнародная Букераўская прэмія – гэта ўзнагарода, як для аўтара, так і перакладчыка. Раман Такарчук пераклала Антаніна Лойд Джонс (Antona Lloyd Jones).
У мінулым годзе Вольга Такарчук атрымала Букераўскую прэмію за раман „Бегуны” („Bieguni”) – кнігу на ангельскую мову пераклала Джэніфэр Крофт (Jennifer Croft).
Міжнародная Букераўская прэмія была створана ў 2005 годзе. Яна ўручаецца штогод за лепшы раман у перакладзе на ангельскую мову.
Вольга Такарчук – польская пісьменніца, эсэістка, аўтарка сцэнарыяў, паэтэса. У студзені 1998 адна з падпісантаў Беларускай Дэкларацыі Свабоды.
Фота kultura.onet.pl
