Иахьатәи аамҭазы Аԥсны иахьаҵанакуа 247-ҩык акоронавирус рыхьхьеит. Урҭ рахьтә 101-ҩык ргәы бзиахахьеит.
Урыстәыла имҩаԥысуа Жәларбжьаратәи арратә хәмаррақәа ирылахәу, Аԥсны атәылахьчара аминистрра акомендантә рота адҵаҟаҵаҩ Шьаруан Бебиа арадио Sputnik аефир аҟны еиҭеиҳәеит излахәу аицлабрахкы арбану, рыҽшазыҟарҵо атәы.
1992-1993 шш. рызтәи Аԥсны Аветеранцәа руаажәларратә еиҿкаара "Аруаа" атәыла Апарламент адепутатцәа ирԥылеит ашәахьа, нанҳәа 24 рзы.
Галтәи араионтә хәышәтәырҭа аҳақьым хада Асҭамыр Гамгьиа арадио Sputnik арубрика "Раионк аԥсҭазаараҟынтә" аҿы еиҭеиҳәеит ахәышәтәырҭа аҭагылазаашьа зеиԥшроу атәы.
Аԥснытәи акоманда VI "Арратә хәмаррақәа–2020" ирылахәуп аҩбатәи адивизион акомандақәа рыбжьара, урҭ зегьы арҭ ахәмаррақәа рҿы раԥхьаӡа акәны иқәгылоит.
Иҭагаламыз атауар Астрахань ақалақь ауаҩԥсы ареистә автобус ала иҭагаламыз атауар ииаигарц дшаҿыз аарԥшын, иара аҳазалхратә ҭыԥ "Адлер" аҟны данааныркыла.
Ауадҳара — Аԥсны ашьхараҿы илеиуа ӡиасуп, иара убас ашьхаратә бальнеологиатә курортуп, уи амшын инахыкны 1650—1700 метра иҳараку аҭыԥ аҿы иҟоуп, аӡиа Риҵаҟынтәи 18 километра аҩадахьы.
Ахаҵа Урыстәылантәи Аԥсныҟа аҳәаа дахысуан агәаҭара-аушьҭратә ҭыԥ "Адлер" автомобилтә цәаҳәаҟны данааныркыла.
Аҟәа ақалақь ахадара иаҵанакуа ахәбатәи аҩнусбарҭа азиндырҩы Аслан Қапба арадио Sputnik аефир аҟны еиҭеиҳәеит иахьатәи аамҭазы аҳҭнықалақь Аҳабла ҿыц аҟны иаҳа ахшыҩзышьҭра зҭаху азҵаарақәа.
Аԥсны аҵареи абызшәатә политикеи рминистр Инал Габлиа адҵа ҟаиҵеит милаҭла иаԥсыуаау рхәыҷқәа аԥсуа школқәа рахь мацара ирыдыркылалар шакәу.
Аԥсуа ҩқәа, Роскачество иҟанаҵаз аҭҵаарақәа инарықәыршәаны, Урыстәылаҟа инарго амаркақәа иреиӷьаршьо иреиуахеит.
Урыстәыла аекономикатә ҿиара аминистр актәи ихаҭыԥуаҩ Михаил Бабич Аинвестпрограмма аобиектқәа рахь иаҵанакуа Тҟәарчалтәи ахәышәтәырҭа даҭааит. Аҳәынҭқарратә еилахәыра "Аԥсныргылара" аиҳабы Руслан Тәанба арадио Sputnik иазеиҭеиҳәеит аобиект аргыларазы еиҭа аԥара заҭаху.
Аԥсны Апарламент Аконституциатә ӡбарҭа иадҵаалеит "Аԥсны Аҳәынҭқарра Аконституциахь аиҭакрақәа ралагаларазы "Адепутатцәа рықәратә ценз азы" азакәан апроект Аконституциа иахьынӡақәшәо аилкааразы.
Иҳаҩсыз амчыбжь азы Аслан Бжьаниа аиҳабыра рхаҭарнакцәа алархәны аилатәара мҩаԥигеит, уа агәабзиарахьчара, атурсезон, Аинвестпрограмма анагӡашьа уҳәа ирылацәажәон, иара убас Аԥсныҟа усуратә ныҟәарала Михаил Бабич дааит, уи адагьы аҵарашықәс ианалаго арыцхә еилкаахеит.
