Мәмәт авылы осталарга бай
Мәмәт авылы осталар ягы. Биредә балта осталары да, тимерчеләр дә, кош-корт үстерүчеләр дә бихисап.
Мисал өчен, Хәбиповлар гаиләсе – Лилия белән Илсур әбиләренең туган нигезендә Европага хас бик матур өй җиткереп чыкканнар. Биредәге мансардалы өй дә, ишегалдындагы түтәлләр дә, мунча һәм җәйге терраса да хуҗаларның үз кулы белән ясалган.
Курчакка тиң тагын бер өйнең хуҗасы – Ришат Садриев та туган нигезен саклап калу максаты белән шәһәрдән авылга күченгән һәм үз куллары белән сырлап-бизәкләп агачтан менә дигән өй җиткергән.