Әлмәт балалар бакчасы мөдире ришвәт алуда гаепләнә
ТР буенча Эчке эшләр министрлыгы мәгариф өлкәсендәге коррупция турында мәгълүмат игълан итте.
Әлмәтнең 39 нчы балалар бакчасы мөдире “балалар кабул иткән өчен” ришвәт алуда гаепләнә. Августта “Золотой петушок” балалар бакчасының элеккеге мөдиренә карата җинаять эше кузгатылгач, учреждениегә яңа мөдир билгеләнде. УЭБиПК бүлеге начальнигы Ринат Акчурин хәбәр иткәнчә, экс-мөдир 2013-2014 уку елында 9 баланы электрон чираттан тыш балалар бакчасына урнаштыруда ришвәт алуда шикләнелә. Ришвәтнең гомуми суммасы – 105 мең сум.