“Алгарыш” грант программасы үзгәрә
Татарстан хөкүмәтенең “Алгарыш” грант программасы нигезендә 2006 елдан бирле инде 3137 кеше чит илләргә чыгып, яисә безгә чит илләрдән чакыртылган белгечләрдән белемен күтәрү мөмкинлегенә ия булган. Шуларның 222 се - агымдагы елда гына бу гранттан файдаланучы педагоглар, студентлар, аспирантлар, яшь галимнәр. Быел “Алгарыш” та “Партнерлар программасы” юнәлеше урынына “ Яшь белгечләр” дип аталган яңа юнәлеш гамәлгә кертелгән, бу программадан файдаланучылар санын арттырачак, дип белдерде ТР мәгариф һәм фән министрының беренче урынбасары Андрей Поминов чираттагы матбугат конференциясендә. Моннан тыш, “Ике диплом” юнәлеше дә эшли башлады, монысы исә Россиядә дә, чит илдә дә бер үк вакытта укып ике димлом алу мөмкинлеге бирә. Бу форсаттан зәйлеләр дә файдаланыр дигән өметтә калабыз.