Югары уку йортына кермәгәннәргә БДИ булмаска мөмкин
Хөкүмәт бердәм дәүләт имтиханнарын алыштыру турындагы сорауны карарга әзер.
БДИ югары уку йортларына кермәүче укучылар өчен бетерелергә мөмкин. Ә инде башкалар өчен ул үзгәрми, шул килеш кала. Бу хакта вице-премьер Ольга Голодец хәбәр итте, дип яза “Интерфакс”. Ул БДИны югары уку йортына керергә теләгән һәркемнең теләсә ничә яшьтә бирә алуын искәртә. Ел саен мәктәпне алдан тәмамлаучыларның имтихан тапшырырга килүе әле дә күзәтелә.