Әлмәтлеләргә бала алып кайтуда ЭКО ярдәмгә килә
Балага уза алмау буенча Россия беренче урыннарда тора. Бездә якынча 7 миллион хатын-кыз һәм 4 миллион ир-ат нәселсез санала. Ягъни, илдә 15 % пар балага уза алмый дигән сүз.
Әлмәт тә бу мәсьәләдә артта түгел. Әлмәттәге “Гаилә планлаштыру үзәге”ндә узган елда 310 кеше нәселсезлек буенча исәптә торган. Кызганыч, әмма бу сан арта бара. 118 кешене, киресенчә, исәптән төшергәннәр. Бу шуның кадәр кеше балага уза алу бәхетенә ирешкән дигән сүз. Узган елда ЭКО (ясалма орлыкландыру) ысулы белән Әлмәттә 27 кеше бәбиләгән. Тагын шуның кадәре әлеге процедурага мохтаҗ.