Әлмәттә бокс буенча турнир узачак
Россия Бокс федерациясенең, Россия Спорт министрлыгының Бөтенроссия, халыкара спорт чаралары бердәм календарь планы нигезендә Әлмәт бокс буенча Россия беренчелеген кабул итү хокукына лаек булды.
«Нефтьче» Мәдәният сараенда 14 октябрьдә 17 сәгать 30 минутта башланып китәчәк турнирда илебезнең төрле почмакларыннан 150 дән артык спортчы, судьялар, мәртәбәле кунаклар, журналистлар катнашыр дип көтелә. Турнир 18 октябрьгә кадәр дәвам итәчәк. Анда җиңү яулаучылар Европа беренчелегендә катнашу хокукы алачак. Татарстан командасына уңышлар телибез!