Фердинат Дәүләтшиннан укытучыларга бәйрәм котлавы
5 октябрь – Халыкара укытучылар көне белән районыбызның барлык педагогларын һәм тәрбиячеләрен, мәгариф ветераннарын район башлыгы Фердинат Дәүләтшин котлады.
"Хөрмәтле укытучыларыбыз! Яшь буынга белем һәм тәрбия биреп, сез гаять әһәмиятле, мактаулы һәм җаваплы хезмәт башкарасыз. Сезнең кулда – җәмгыятебезнең киләчәге. Тормыш бүген мәктәп каршына зур һәм катлаулы бурычлар куя. Илебезгә тирән белемле, конкурентлыкка сәләтле, әхлаклы һәм югары гражданлык хисенә ия яшьләр тәрбияләүдә сезнең өлешегез бик зур. Катлаулы хезмәтегезне намус белән башкаруыгыз, түземлегегез, балаларны яратуыгыз өчен рәхмәт сезгә. Җиңел булмаган эшегездә яңа иҗади уңышлар, нык сәламәтлек, гаилә бәхете, күңел күтәренкелеге телим", дигән сүзләр бар котлауда.