Чөгендернең шикәрлелеге артуга бара
Шикәр чөгендере алу эше дәвам итә. “Зәй” агрофирмасы шикәр чөгендере алу һәм ташуда беренче урында бара. Әлеге хуҗалыктан заводка 41 мең 671 тонна татлы тамыр озатыла. Икенче урында “Зәй шикәре” агрофирмасы, бу хуҗалык басуларыннан 37 мең 033 тонна чимал озатылды. “Восток” агрофирмасы 27 мең 807 тонна татлы тамыр тапшырды. Шунысы куанычлы, соңгы көннәрдә чөгендернең шикәрлелек арта, ә пычраклылыгы кими.