Зеленая Рощада полиция йортыннан ачкыч тапшырылды
Бүген Зеленая Роща авылында полиция йорты ачылды.
Республика программасы буенча районыбызда төзелгән йортлардан монысы – бишенче. Узган ел Шөгер, Сарабиккол, Яңа Чыршылы һәм Түбән Чыршылы авылларында төзелгән иде. Участок полицейскийның терәк пункты һәм яшәү урыны булган әлеге йорт ачкычы Павел Михайленкога тантаналы рәвештә тапшырылды. Әлеге чарада республика Эчке Эшләр министрлыгының полиция начальнигы урынбасары Марат Айдаров, район башлыгы Рәгать Хөсәенов катнашты. Павел Сергеевич, шулай ук, Эчке эшләр министрлыгы тарафыннан бирелгән “Нива” автомобиле иясе дә булды.