Балалар-яшүсмерләр иҗаты үзәгендә йөзү сезоны ачылды
Балалар-яшүсмерләр иҗаты үзәгендә ремонттан соң йөзү бассейны ачылды.
Бүген биредә йөзү буенча барлык төркемнәр дә тупланган. Үзәктә, гомумән, 34 балалар оешмасы эшли, аларда 3000 нән артык кеше шөгыльләнә. Быел яңа студияләр дә ачылган, өлкәннәр өчен спорт-бал биюләре һәм аквааэробика секциясе эшли башлый. Мөмкинлекләре чикләнгәннәргә дә игътибар зур, “Елховнефть” идарәсе тарафыннан быел бинага керү урынында пандуслар урнаштырылган.