Закон ата-аналар яклы
ТР Мәгариф һәм фән министрлыгының мәгариф өлкәсенә контрольлек итү һәм күзәтчелек итү департаментына агымдагы елның августында 34 кеше шикаять белән мөрәҗәгать иткән.
Аларның 14 е коррупция характерында. Шул ук вакытта июль аенда кабул иткән 8 ен дә исәпкә алып, 35 шикаять каралып, аларга җавап юлланган. 6 мөрәҗәгатькә җаваплар әзерләү стадиясендә.
Департаментка мөрәҗәгать итүчеләр арасында әлмәтлеләр дә бар. Ике шикаять 27 нче номерлы балалар бакчасы эшчәнлегенә бәйле булса, берсе 25 нче мәктәп җитәкчелегенә юлланган. Аларның өчесе буенча да чаралар күрелгән дип беледерелә министрлыкның рәсми сайтында.