Сайлаучылар Валерий Меладзе һәм Салават Фәтхетдинов концертын карый алачак
14 сентябрьдә Казанда сайлауга килгән һәр кешегә махсус беләзек биреләчәк.
«Казан-Арена» стадионында үтәчәк «Мой выбор. Моя республика» марафонында ТР Дәүләт Советына депутатлар сайлауда катнашкан һәр казанлы катнаша алачак. Бу чара кысаларында тамашачыларга төрле бәйгеләр, кинолар, артистлар чыгышы тәкъдим ителәчәк. Стадионга сәгать уннан башлап керергә мөмкин. Марафонга керү өчен бирелгән махсус беләзек шулай ук көн дәвамында җәмәгать транспортында бушлай йөрү хокукы да бирә. Балалар исә бары тик ата-аналары белән генә килә ала.