Район басуларында яшел урак дәвам итә
Бөртеклеләрне урып-җыю төгәлләнү алдында, ә яшел урак әле дәвам итә.
Район басуларында 32 мең 114 гектарда бөртеклеләр суктырылды. Ә кукурузны силос өчен уру дәвам итә. Икешәр метр биеклектә үскән кукуруз кырлары бүген кырмыска оясын хәтерләтә. Басу белән азык базасы арасын яшел масса төягән автомашиналар дистәләрчә кабат урый. “Чаллы”, “Карга”, “Чуаш Кичүе”, “Юхмачы” терлекчелек комплекслары базларына барысы 19 мең 832 тонна силос салынган.