Зәйдә “Бердәм Россия” сәяси партиясе региональ бүлеге башлангычы белән старт алган “Халык җыеннары” дәвам итә. Бүген шундый җыеннарның чираттагысы алты авылны берләштерүче Бигеш авыл җирлегендә үтте. Анда “Бердәм Россия”нең Зәй җирле бүлеге политсоветы секретаре, район башлыгы Татьяна Воропаева катнашты. Җирлек башлыгы Рашат Саматов җирлек халкы яшәешен яхшыртуга йөз тоткан, алар мәнфәгатен кайгырткан эшләр турында сөйләде. Район башлыгы исә республика, район программалары үтәлеше, алдагы елларга ниятләгән эшләрне бәян итте. Бигеш мәктәбе сафка басканга 53 ел тулган. Берничә ел элек аңа спонсорлар булышлыгы белән ремонт ясалган. Әлеге уку йортын да киләсе елга капиталь ремонт программасына кертәcе иде, дигән тәкъдим кертте Татьяна Воропаева. Халык җитәкчегә үзен борчыган сорауларын биреп, җавап алды.