Зәйдә комбайннар 1 июльгә әзерлек сызыгына куела
Бу көннәрдә район башлыгы Разиф Кәримов агрофирмалар бүлекчәләрендә булып, комбайннарның урып-җыюга әзерлеге белән таныша, комбайнчылар белән аралаша, фикерләшә. Агымдагы елда районда урып-җыю эшләрендә катнашу өчен 68 комбайн әзерлек сызыгына куела. Алар - “Нью-холланд”, “Лексион”, “Акрос”, “ДОН-1500”, “Мега”, “Тукано” комайннары. Бер комбайнга уртача эш күләме 600 гектардан артык тәшкил итәчәк. Район басу-кырларында рыжик культурасы өлгереп килә. Район башлыгы комбайннарны 1 июльгә әзерләү бурычын куйды.