Балык Бистәсендә сан алуга әзерлек башлана
Дүшәмбе көнне муниципаль район башкарма комитеты җитәкчесе Рашат Хәбибуллин рәислегендә авыл хуҗалыгында сан алу буенча штаб утырышы булды.
Анда сүз бу олы чараны мөмкин кадәр кыска вакыт эчендә һәм зур оешканлык белән үткәрү хакында барды. Быелгы сан алуда районыбыз биләмәсендә 4 инструкторлык пункты төзелгән. Аларда барлыгы 22 сан алучы эшлиячәк. Авыл хуҗалыгында сан алу 1 июльдән 15 августка кадәр дәвам итәчәк. Шул вакыт эчендә бер сан алучыга уртача 460 хуҗалыкта булып, электрон сан алу бурычы куелган. Хәзерге вакытта бу чарада катнашучыларның укулары башланып китте. Утырышта шулай ук республикада игълан ителгән “Авыл хуҗалыгында иң яхшы сан алуны үткәрү” конкурсы буенча да сөйләшү булып узды.
Фотосы: om-saratov.ru