Лениногорскилылар, игътибар! Эсседә инфарктан сакланыгыз!
Көннәр эссе булу аркасында халык арасында миокард инфаркты очраклары арткан.
Узган атнада ашыгыч ярдәм хезмәте Казанда 8 меңнән артык чакыру кабул иткән. Йөрәк авыруларыннан зарланып табиб чакыртучылар алдагы атна белән чагыштырганда 15кә арткан. Татарстанның сәламәтлек саклау министрлыгы эссе көннәрдә, аеруча ураза тотучыларга сак булырга киңәш итә. Ашыгыч ярдәм хезмәтен “03”, кесә телефоныннан “103” номеры аша чакыртырга була. Кичектергесез ярдәм кирәк булганда “112” номеры да ярдәмгә килә.