Чисталык яратучы лениногорскилылар бүләкләнде
Санитар-экологик икеайлык кысаларында республиканың Экология һәм табигый ресурслар министрлыгы тарафыннан игълан ителгән конкурста җиңгән лениногорскилылар бүләкләнде.
Бүләкләрне аларга атналык планеркада район башлыгы Рәгать Хөсәенов белән Экология министрлыгы көньяк-көнчыгыш идарәсенең начальник урынбасары Римма Миңнебаева тапшырды. Болар – “Эко предприятие 2016” номинациясе җиңүчесе “Шифа” сәүдә-җитештерү комплексы (“Шифа” хәйрия фонды президенты Зөлфия Кандауова) “Эко мәктәп 2016” номинациясендә 10 нчы мәктәп (директоры Сиринә Хәйбрахманова) һәм “Эко гаилә 2016” номинациясе җиңүчесе туган якны өйрәнү музее директоры Наилә Галиева.