Шөгер балалары җәйләрен китап укып, файдалы уздыра (фотолар)
Малай-кызларның җәйге яллары кызыклы булсын өчен Шөгер балалар китапханәсендә “Укучы ишегалды” дигән чара уздырдык, дип хәбәр итте китапханәче Светлана Заһретдинова.
Шул максаттан “Синең җәйге сәяхәтең” дигән күргәзмә оештырылган. Чара барышында балалар әкият һәм риваятьләр турында кызыклы мәгълүмат туплаган, әкияти викторинада көчләрен сынаган, шулай ук балалар язучыларының соңгы елларда чыккан китапларына күзәтү ясалган. “Җәй көне китаплар укыйбыз” дигән флешмобта яраткан китапларыннан өзекләр укыганнар.