Татарстанда балалар өчен беренче социаль челтәр булдырылды
Балалар өчен булдырылган беренче социаль челтәр культурныйдневник.рф кече яшьтәге мәктәп укучыларын берләштерүне күз уңында тота.
Хәзерге вакытта порталда 46 меңнән артык кулланучы теркәлү узган. "Культурный дневник школьника" порталына көн саен 1600 кеше күз сала икән. Шунысы да игътибарга лаек: теркәлү узган балалар әти-әниләре белән берлектә үз блогларын алып бара ала – хикәя-шигырьләр яза, музей, театрда булганнан соң хис-кичерешләре белән уртаклаша һәм башка язмалар урнаштыра ала.
Порталда аерым темага бәйгеләр дә уздырыла.