“Агрокам” җәмгыятендә Елина Козина коллективта үрнәк хезмәткәр
“Агрокам” җәмгыятендә дуңгыз үстерү төркемендә эшләүче Елина Козина коллективта үрнәк саналучы хезмәткәрләрнең берсе.
Каз. Чаллы авылында туып-үскән кыз мәктәптән соң озак еллар комплекста терлекләр караган, аннары савымчы булып эшләгән. Бүген дә эше җаваплы аның, үзенә йөкләнгәнне күңелен биреп, яратып башкара, нәтиҗәсе - күрсәткечләре дә куанычлы. Үстерү төркемендә һәр баш дуңгызга исәпләгәндә уртача 400 әр граммнан артык тәүлеклек артым алуга ирешә. Хезмәтенә күрә хөрмәте, дигәндәй, уч тутырып хезмәт хакын да вакытында алып бара. «Аена 20 меңнән ким алганыбыз. Бездә эшләгәннең кадерен беләләр» - ди ул.