Урманда шашлык кыздырасыгыз килә, ә закон кушмый? Без ысулын беләбез!
Татарстанда янгынга каршы аеруча катгый режим кертелгәне турында хәбәр иткән идек инде. Махсус кагыйдәләр урманнарда, бакчаларда учак ягуны тыя һәм физик затларны да, урындагы һәм юридик затларны да зур штрафлар белән куркыта.
Бу хакта кычкырып әйтмәсәләр дә, интернет челтәрендә әйләнә-тирәгә зарар китерми генә шашлык кыздыру ысуллары турында файдалы киңәшләр бар. Мисал өчен, учак якмый гына, алдан әзерләнгән күмердән файдаланырга, аны да махсус ял итү урыннарында гына кулланырга була диелгән. Ял итү урыны су буендагы комлык булса тагы да яхшы. Әлбәттә инде, кыздыру урынын комлыкны бераз казып, тирәнгәрәк урнаштыру кулай булачак. Янында һәрвакыт кеше торса, шулай ук алдан әзерләнгән су торса тагы да әйбәтрәк.