Кассир хатын-кыз Россиянең юбилей хөрмәтенә чыгарылган акчалардан ике елда 4 альбом туплаган
Чаллыдан Венера Шәйхетдинова Россия юбилей хөрмәтенә чыгарылган бакыр һәм корыч кушылмалы акчалардан 4 альбом туплаган.
“Россиянең борынгы шәһәрләре”, илнең төрле субъектлары төшерелгән, башка истәлекле даталар уңаеннан чыгарылган 10 сумлык тимер акчаларны Венера коллекционерлардан сатып алмаган, ике ел кассир булып эшләү вакытында үзе җыйган. Нумизматлар аның бу альбомнарын 8-9 меңгә сатып алырга риза. Әмма, Венера аларны берүгә дә бирергә җыенмый. Исәбе алга таба да яңа акчалар җыю.