Россиядә грипп сезоны тәмамланды
Кулланучыларның хокукларын яклау һәм кеше иминлеге өлкәсендә күзәтчелек Федераль хезмәте (Роспотребнадзор) илдә грипп һәм кискен тын юлы авырулар эпидемия сезонының тәмамлануын җиткерде.
Идарә тармагы мәгълүматларына караганда, быелгы грипп эпидемиясе географик киңлеге буенча шактый нык таралган, төрле яшь катламына да зыян китергән һәм озакка сузылуы белән аерылып торган. Быелгы сезонда гриппның 28 200 очрагы теркәлгән. Шуларның 28 меңе А гриппы, аның эчендә 93 %ы "дуңгыз гриппы", диелә. Гриппка каршы 44,9 миллион кеше прививка ясаткан булган.