17 яшьлек кызны дүрт ир-ат көчләгән
Вәхшиләрнең икесен полиция тоткарлаган, калганнарын эзлиләр.
Бу хәл Яңа ел алдыннан Казанда була. 17 яшьлек кыз социаль челтәр аша язышкан егеткә кунакка килә. Фатирда 4 егет була. Алар кызны көчлиләр һәм камерага үзенең алар белән җенси мөнәсәбәткә ирекле рәвештә керүен әйтеп сөйләргә мәҗбүр итәләр. Кыз үзен җибәрүләрен сорый, "өйдә 40 мең сум акча бар, шуны бирәм ", ди. Җинаятьчеләр такси чакырта һәм аның белән кыз өенә китәләр. Кыз шунда таксистка ярдәм сорап мөрәҗәгать иткәч, егетләр кача. Полиция 20 яшьлек егетне токарлый. Аның яшьтәшен Мәскәүдә эзләп табалар. Хәзер аны Казанга кайтарганнар.