“Таңғалдым“: Трамп NVIDIA бас директорына қатысты жанжалға пікір білдірді
Ақ үй басшысы журналистерге Хуангтың жағдайын білу үшін оған өзі қоңырау шалғанын айтты.
"Ол маған: "Оның тыңшы екенінен еш хабарым болған жоқ" деді, мен оған шынымен де сенемін", - деді Трамп.
Президент бұл істің мән-жайын ФБР зерттеп жатқанын жеткізді.
"Мен таңғалдым, өйткені оны әрдайым адамгершілігі жоғары тұлға деп санайтынмын. Ол - ғажайып адам. Оның ешқандай қиындыққа тап болмауын тілеймін", - деп атап өтті президент.
Телеарнаның мәліметінше, Трамп Хуангтың әлемдегі екінші ірі компанияның басшысы болып қала бергенін қалайтынын аңғартты.
"Оның жағдайы жақсы болады деп ойлаймын", - деп толықтырды америкалық көшбасшы.
.@POTUS Дженсен Хуанг туралы: "Мен оны өте жоғары деңгейлі адам ретінде білемін. Оны танығаныма көп болды... Ол ғажайып тұлға. Тек ешқандай мәселе туындамаса екен деп үміттенемін". https://t.co/IlSK4fmheb
— Rapid Response 47 (@RapidResponse47) November 9, 2026
Дүйсенбідегі сауда-саттық қорытындысы бойынша, нарықтың жалпы динамикасына қарамастан, компания акциялары 4,2 пайызға арзандады. Nvidia құнды қағаздары Dow Jones және Nasdaq индекстеріне кіретін компаниялар арасында ең нашар көрсеткішке ие болды.
Еске сала кетейік, бұған дейін БАҚ-та Хуангтың шетелдік барлау операциясының нысанына айналуы мүмкін екені туралы ақпарат тараған болатын. Осы тұста Хуанг жұбайына опасыздық жасағанын мойындап, әйелі мен компания қызметкерлерінен кешірім сұраған еді.
Америкалық графикалық процессорлар өндірушісі бұл ретте тәуелсіз тергеу басталғанын жариялады. Директорлар кеңесінің мәлімдемесінде АҚШ-тың ұлттық қауіпсіздігіне немесе компанияның коммерциялық құпиясына қауіп төнді деп пайымдауға негіз жоқ екені айтылған. Nvidia компаниясы Хуангтың туындаған дауға қарамастан, бас директор лауазымында қызметін жалғастыруға ниетті екенін қосты.