Қарағанды облысында жүк көлігі пойызға соғылды
Желіде Алматы-Петропавл бағытындағы жолаушылар пойызы Қарағанды облысында жүк көлігімен соқтығысқаны туралы ақпарат пайда болды. Оқиғаға қатысты өңірлік полиция департаментінің баспасөз қызметі пікір білдірді, - деп хабарлайды Tengri Auto.
Әлеуметтік желілерде апат болған жерден түсірілді делінген кадрлар тарады. Полиция хабарламалар мен видеоға қатысты пікір білдірді.
Скриншот: видеодан кадрлар/Telegram
Баспасөз қызметі оқиға 24 қазанда болғанын нақтылады.
"Қарағанды облысы Шет ауданында реттелмейтін теміржол өткелінде Shacman жүк көлігі мен жолаушылар пойызы соқтығысты. Алдын ала мәлімет бойынша, жүк көлігінің 53 жастағы жүргізушісі теміржол арқылы өту қауіпсіздігіне көз жеткізбей, пойызбен соқтығысқан", - деп хабарлады полициядағылар.
Оқиға салдарынан ешкім зардап шекпегені нақтыланды. Бұл дерек полицияда тіркелді. Оқиғаның мән-жайы анықталып жатыр.