Қазақстанның бірінші ракеткасы теннистен Азия ойындарының медалін жеңіп алды
Әйелдер арасындағы жұптық сынның жартылай финалында Данилина мен Путинцева Тайпей өкілдері - Се Шувэй және Лян Эньшуомен кездесті. Екі сетте де ойын тай-брейкке дейін созылып, нәтижесінде Тайвань спортшылары 6:7; 6:7 есебімен басым түсті.
Азиада регламенті бойынша теннистен үшінші орын үшін матч өткізілмейді, сондықтан қазақстандық жұп қола жүлдегер атанды.
Айта кетейік, бұл Анна Данилинаның мансабындағы Азиаданың үшінші қоласы - бұған дейін ол 2018 жылғы Ойындарда жұптық және аралас сында үшінші орын алған болатын. Ал Юлия Путинцева үшін де бұл үшінші қола - ол 2014 жылғы Ойындарда командалық сында медаль иеленсе, биыл жекелей сында үшінші болды.
Теннистен Қазақстан құрамасы Азия ойындарында
Айти мен Нагоядағы Азиадада Қазақстан құрамасы сапында бірінші нөмірлі ойыншылар - Елена Рыбакина мен Александр Бублик болмағанын атап өткен жөн. Дегенмен құраманың басқа да көшбасшылары - Данилина, Путинцева, сондай-ақ Александр Шевченко құрамға енді.
Теннис турнирінің шешуші матчтеріне олардың ешқайсы жете алмады. Құрама қоржынында екі қола бар - Юлия Путинцеваның жекелей сындағы және Путинцева/Данилина жұбының жүлделері.
Instagram-дағы бұл жарияланымды көру
???????????????? ???????? ???????????????????????????????????? ???????????????????????? (@qaz_team_official) парақшасынан жарияланым
Қазақстанның бірінші ракеткасы Азиадада Өзбекстанды жеңіп, құрамаға жеңіс сыйлады
Бұған дейін бокстан Қазақстан атынан шыққан әлем чемпионы Наталья Богданова Азия ойындарының қола медалін тапсыру рәсімі кезінде көз жасына ерік берген болатын.