Елдос Сметов Қазақстанға Азия ойындарының 55-медалін сыйлады
60 келіге дейінгі салмақ дәрежесіндегі белдесу толық уақытқа созылды. Жапон балуаны екі рет сәтті әдіс жасап, жеңіске жетті.
Кездесу қорытындысы бойынша Кондо 2:0 есебімен басым түсті.
Айта кетейік, Сметов бұған дейін Азия ойындарында топ жарған болатын - 2014 жылы ол Инчхондағы (Оңтүстік Корея) турнирде үздік атанды.
Сметовтың жүлдесі Қазақстан құрамасы үшін 2026 жылғы Азиададағы 55-ші медаль болды. Қазір біздің команданың қоржынында 9 алтын, 16 күміс және 30 қола марапат бар.
Елдос Сметов - дзюдодан Қазақстаннан шыққан тұңғыш Олимпиада чемпионы
Еске сала кетейік, Елдос Сметов қатарынан үш Олимпиада ойындарында жүлдегер атанды: 2016 жылы күміс, 2021 жылы қола және 2024 жылы алтын иеленді. Сметовтың Париждегі жеңісі Қазақстан тарихындағы дзюдодан алғашқы алтын медаль болды.
Париж Олимпиадасынан кейін чемпион үзіліс алды: алдымен ағылшын тілін үйренуге кетті, содан кейін бұрыннан мазалап жүрген жарақаттарына байланысты бірнеше ота жасатты.
Instagram-дағы бұл жарияланымды көру
YELDOS SMETOV (@yeldos60kg) жариялаған жазба
Бұған дейін Азия ойындарының дзюдодан финалдық сынында қазақстандық Әбиба Әбужақынова бақ сынаған болатын. Ол белдесуде жеңіске жете алмағанымен, күміс медаль иеленді.