Көкшетауда жігітімен жанжалдасқан қыз жүріп бара жатқан көліктен түсіп қалған
Оқиға сенбіде Әуезов көшесінде болған. Аталған деректі қаланың полиция басқармасы тіркеді.
"Volkswagen маркалы автокөлігінің қозғалысы кезінде жүргізуші мен қыз арасында сөз таласы туындағаны алдын ала анықталды. Жанжал барысында қыз жүріп бара жатқан көліктен шығып кетіп, салдарынан дене жарақатын алды", - делінген полиция хабарламасында.
Жол қозғалысы ережелерін бұзғаны үшін қыз әкімшілік жауапкершілікке тартылды.
"Қазіргі уақытта полиция қызметкерлері тексеріс жүргізіп жатыр, оқиғаның барлық мән-жайы анықталады", - деп атап өтті полиция.
Instagram-дағы бұл жарияланымды көру
Nayza Kokshe (@nayza_kokshe) жарияланымы