Қырғызстандағы алматылықтар сезген жер сілкінісі туралы не белгілі?

Қырғызстандағы жер сілкінісі туралы толық ақпарат белгілі болды. Жер асты дүмпулерін Алматы тұрғындары да сезген болатын, деп хабарлайды Tengrinews.kz.Қырғызстан Ұлттық ғылым академиясы Сейсмология институты мәліметінше, магнитудасы 5,4 болатын жер сілкінісінің ошағы Ак-Түз ауылынан оңтүстік-шығысқа қарай 15 шақырым, Қошқар ауылынан оңтүстік-батысқа қарай 45 шақырым және Бішкектен оңтүстік-шығысқа қарай 117 шақырым жерде орналасқан.

Қырғызстанда жер сілкінісінің күші мынадай болды:

Ақ-Ши және Шолпан ауылдарында - 4 балл;Қошқар және Куйручук ауылдарында - 3 балл;
Бішкекте - 2,5 балл.

Алматыдағы жағдай
Бұған дейін Алматы тұрғындары жерасты дүмпулері туралы әлеуметтік желілерде жазған болатын. ТЖМ қалада жер сілкінісі сезілгенін растады. Ресми мәлімет бойынша, Алматыда жерасты дүмпулерінің күші 2 балл болған. Зардап шеккендер мен қираулар туралы ақпарат түскен жоқ.