ФИФА ӘЧ-2026-дан кейін Қазақстан құрамасына қатысты шешім қабылдады

Футболдан Қазақстан құрамасы Халықаралық футбол қауымдастықтары федерациясының (ФИФА) әлемдік рейтингінде 111-орында қалды. Тізім көшін жаңа Әлем чемпиондары - Испания құрамасы бастады, деп хабарлайды Tengri Sport ФИФА сайтына сілтеме жасап.ӘЧ-2026 қорытындысы бойынша Испания құрамасы әлемдік рейтингтің жаңа көшбасшысы атанды, ал финалда жеңіліс тапқан аргентиналықтар екінші сатыға сырғыды.
Мундиал барысында Норвегия құрамасы таңғаларлық өсім көрсетті. 1/4 финалға дейін жеткен команда 12 саты жоғарылап, қазіргі уақытта 19-орынға жайғасты.
Ең үлкен құлдырау Тунис құрамасында тіркелді: топтық кезеңдегі үш матчте де жалпы 2:12 есебімен жеңілген команда рейтингте бірден 12 саты жоғалтты.
ФИФА нұсқасы бойынша әлемнің үздік құрамаларының рейтингі

1. Испания2. Аргентина3. Франция4. Англия5. Бразилия6. Марокко7. Португалия8. Бельгия9. Нидерланд10. Мексика....110. Ливия111. Қазақстан112. Танзания

Қазақстан құрамасында не болып жатыр?
Былтыр күзде команда ӘЧ-2026 іріктеу кезеңін сәтті аяқтап, Солтүстік Македония және Бельгия құрамаларымен тең түскен болатын.2026 жылдың наурызында құрама ФИФА-ның өз алаңындағы турнирінде жеңіске жетіп, Намибия мен Комор аралдарын ұтты.
Бұдан кейін жолдастық кездесулерде Мажарстаннан жеңіліс (1:3) тауып, Армениямен тең ойнады (1:1).












Instagram-дағы бұл жарияланымды көру

Қазақстан ұлттық футбол құрамасының жарияланымы (@kff_team)


22 маусымда Қазақстан құрамасының бас бапкері Талғат Байсуфинов қызметінен кететінін мәлімдеді. Содан бері команда бір ай бойы бас бапкерсіз қалып отыр.Қазақстан футбол федерациясының басшысы Марат Омаров қазіргі уақытта бірнеше үміткер қарастырылып жатқанын, оның ішінде шетелдік мамандар да бар екенін айтты. Ал ұйым баспасөз қызметі жаңа тәлімгерге қойылатын талаптар тізімін жариялады.ҚФФ басшысы Байсуфинов кеткеннен кейін құраманың жаңа бапкері туралы пікір білдірді