Олимпиада чемпионы Рим папасына қазақстандық команданың формасын табыстады
Кездесу беделді "Джиро д’Италия" веложарысы аясында өтті.
"Джиро д’Италия" кезінде Рим Папасы XIV Леоға команданың жейдесін жеке табыстау - мен үшін үлкен мәртебе. Бұл Гранд-тур бізге ерекше әсер сыйлады, кезеңдердегі үш айқын жеңіс пен көптеген ұмытылмас сәтке толы болды. Біз Қазақстанды әлемдік спорт аренасында танытып жүргенімізді мақтан тұтамыз және команда жетістіктері арқылы еліміздің атын шығара береміз", - деп мәлімдеді Винокуров әлеуметтік желіде.
Айта кетейік, Александр Винокуров 2000 жылғы Олимпиадада күміс жүлдегер атанса, 2012 жылғы Лондондағы ойындарда алтын медаль иеленген болатын.
Спорттық мансабын аяқтағаннан кейін Винокуров "XDS Astana Team" қазақстандық велокомандасының бас менеджері қызметіне кірісті.
Былтырдан бастап қытайлық инвесторлар бюджетін ұлғайтқаннан кейін, команда 60 пайызға шетелдікке айналды.
Instagram-дағы бұл жарияланымды көру
Александр Винокуровтың жарияланымы (@alexandrvinokurov)