Ержан Дүйсекенов Солтүстік Қазақстан облысының прокуроры болып тағайындалды
Солтүстік Қазақстан облысында прокурор тағайындалды. Лауазымға Ержан Дүйсекенов келді, деп хабарлайды Tengrinews.kz тілшісі Бас прокуратураның баспасөз қызметіне сілтеме жасап.
Мемлекет басшысының келісімімен және Бас прокурордың бұйрығымен аға әділет кеңесшісі Ержан Дүйсекенов Солтүстік Қазақстан облысының прокуроры лауазымына тағайындалғаны нақтыланды.
Еңбек жолы
Ержан Дүйсекенов еңбек жолын Екібастұз прокурорының көмекшісі болып бастаған.Әр жылдары келесі лауазымдарды атқарды:
Екібастұз прокурорының орынбасары,
Павлодар облысы прокурорының аға көмекшісі,Құқықтық статистика және арнайы есепке алу жөніндегі комитет Павлодар облысы бойынша департаментінің бастығы.
2023 жылдың қыркүйегінен бастап Павлодар облысы прокурорының бірінші орынбасары лауазымында қызмет етті.
Марапаттары мен еңбегіҚызметтік міндеттерін мінсіз атқарғаны үшін Ержан Дүйсекенов "Жауынгерлік ерлігі үшін" мемлекеттік медалімен марапатталды.
Бұдан бөлек, СҚО прокуратурасының жаңа басшысы - Прокуратураның құрметті қызметкері.
Тағы оқыңыз: Сергей Компаниец оқу-ағарту вице-министрі болып тағайындалды