Ўзбекистон терма жамоаси мундиал олдидан Нидерландия билан тўқнашади

Ўзбекистон миллий терма жамоаси жаҳон чемпионати олдидан жиддий синовларга тайёргарликни давом эттирмоқда. Аввалроқ вакилларимиз июнь ойида мундиал мезбонларидан бири бўлган Канадага қарши ўртоқлик учрашуви ўтказиши маълум қилинган эди.

Энди эса терма жамоамизни яна бир катта ва принципиал баҳс кутаётгани ойдинлашди. Манбаларга кўра, Ўзбекистон миллий жамоаси ФИФА Жаҳон чемпионати олдидан сўнгги назорат учрашувида Европа футболи гранди — Нидерландия терма жамоасига қарши майдонга тушади.

Ушбу қизиқарли ва катта қизиқиш уйғотаётган беллашув АҚШнинг Нью-Йорк шаҳрида жойлашган машҳур “Иcаҳн Стадиум” аренасида бўлиб ўтади. Мутахассислар фикрича, бундай кучли рақибларга қарши баҳслар терма жамоамиз учун катта тажриба вазифасини ўтайди.

Нидерландия миллий жамоаси жаҳон футболида ўзининг тезкор ва комбинацион услуби билан танилган кучли термалардан бири ҳисобланади. Шу боис ушбу ўйин нафақат мухлислар, балки мутахассислар эътибор марказида бўлиши кутилмоқда.

Футбол жамоатчилиги фикрича, Канада ва Нидерландия каби рақибларга қарши баҳслар Ўзбекистон термасининг ҳақиқий имкониятларини синаб кўриш ва катта мусобақалар олдидан камчиликларни бартараф этиш учун жуда муҳим аҳамиятга эга.

Айниқса, Европа футболи мактаби ва юқори тезликдаги ўйин услубига қарши ҳаракат қилиш терма жамоамиз футболчилари учун катта тажриба бўлиши мумкин.

Мухлислар эса аллақачон ушбу баҳсларни катта қизиқиш билан кутишмоқда. Чунки охирги йилларда Ўзбекистон миллий жамоаси таркибида тўп сураётган легионерлар ва ёш иқтидорлар жамоага бўлган ишончни янада ошириб юборган.

Кузатувчилар фикрича, мундиал олдидан бундай даражадаги рақибларга қарши ўйинлар терма жамоанинг психологик ва тактик тайёргарлиги учун жуда катта аҳамият касб этади.