Etsy ChatGPT ичида ўзининг янги иловасини ишга туширди
Etsy компанияси ChatGPT платформаси ичида ўзининг махсус иловасини ишга туширганини эълон қилди. Бу янгилик харидорларга 100 миллиондан ортиқ маҳсулотлар каталогини сунъий интеллект ёрдамида янада қулайроқ излаш имконини беради. Эндиликда фойдаланувчилар оддий калит сўзлар ўрнига, табиий тилда ўз истакларини баён этишлари мумкин. Бу ҳақда Techcrunch.com хабар беради.
Янги функция бета-версияда ишламоқда ва фойдаланувчилар ChatGPT ичида @Etsy белгисини қўллаб, тўғридан-тўғри сўров юборишлари мумкин. Тизим фойдаланувчи талабларига мос келадиган маҳсулотларни саралаб беради, уларни солиштириш ва харид қилиш учун Etsy сайтига ўтиш имконини яратади.
Компания ушбу интеграциядан ташқари, ўз платформаси ичида ҳам сунъий интеллектга асосланган суҳбатлашувчи қидирув тизимини синовдан ўтказмоқда. Бу ёрдамчи харидорларга совғалар танлашда шахсий маслаҳатчи вазифасини бажаради ва харид жараёнини соддалаштиради.
Etsy ўзининг сунъий интеллект стратегияси доирасида сотувчилар учун ҳам янги воситаларни тақдим этмоқда. Жумладан, маҳсулот номлари ва тавсифларини автоматик яратиш ҳамда харидорлар билан мулоқотни осонлаштирувчи ёзув ёрдамчиси шулар жумласидандир. Шунингдек, платформада сунъий интеллект ёрдамида яратилган контентни белгилаш учун махсус “Десигнед” ёрлиғи жорий этилди.
Etsy ChatGPT ичида ўз иловасини яратган Анги, СеатГеек, Туби ва Wих каби компаниялар қаторига қўшилди. Бу қадам компаниянинг асосий бозорини ривожлантириш ва фойдаланувчилар фаоллигини оширишга қаратилган стратегиясининг бир қисмидир.