Москвада мобил интернет чекланганда "оқ рўйхат" ишламаяпти
Россия Рақамли ривожланиш вазирлиги, ҳуқуқни муҳофаза қилувчи органлар ва махсус хизматлар Москвада мобил интернет чекланган даврда "оқ рўйхат"га киритилган сайтларга кириш имкониятини таъминлаш устида ишламоқда. Бу ҳақда вазирлик вакиллари ТАСС ахборот агентлигига маълум қилди. Бу ҳақда Ixbt.com хабар беради.
Вазирлик маълумотларига кўра, хавфсизлик нуқтаи назаридан мобил интернет узилган тақдирда ижтимоий аҳамиятга эга бўлган ресурслар рўйхати шакллантирилади. Бу орқали алоқа чекловлари шароитида ҳам муҳим хизматлардан фойдаланиш имкониятини сақлаб қолиш режалаштирилган.
Ҳозирча тегишли рухсатномалар олингандан сўнг "оқ рўйхат"даги сайтлар очилиши ҳақида қўшимча хабар берилиши таъкидланди. Бироқ, амалиётда бундай тизим ҳали тўлиқ ишга тушмагани кузатилмоқда.
Бугун Москвада мобил интернет билан боғлиқ узилишлар қайд этилди. Кун ўрталарига келиб, Рақамли ривожланиш вазирлиги алоқа тизими қайта тикланганини эълон қилди, бироқ чекловлар вақтида режалаштирилган "оқ рўйхат" функцияси ўзини оқламади.