Сергио Рамос Севилланинг янги президенти бўлиши мумкин
Испания футболи афсонаси Сергио Рамос ўзининг она клуби Севиллани сотиб олиш бўйича музокараларни давом эттирмоқда. Собиқ спорт директори Мончининг сўзларига кўра, 39 ёшли ҳимоячи шунчаки фахрий лавозим билан чекланиб қолмай, клуб бошқарувида марказий фигурага айланишни мақсад қилган. Бу ҳақда Goal.com хабар беради.
Ҳозирги вақтда Сергио Рамос Фиве Элевен Cапитал инвестиция гуруҳи кўмагида Севилладаги молиявий ва бошқарув инқирозини бартараф этиш учун консорциумга бошчилик қилмоқда. Клуб айни дамда Ла Лигада жон сақлаб қолиш учун курашмоқда ва мухлислар ушбу ўзгаришларни катта умид билан кутишмоқда.
Мончи ўз интервюсида Рамоснинг клуб келажагидаги қарорлар қабул қилиш жараёнида бевосита иштирок этиш истагида эканлигини тасдиқлади. Агар ушбу харид муваффақиятли якунланса, тажрибали футболчи профессионал фаолиятини якунлаб, клуб раҳбариятида иш бошлаши кутилмоқда.
Севилла айни дамда турнир жадвалида 17-ўринда бормоқда ва хавфли зонадан атиги бир очко юқорида жойлашган. Мавсум якунига қадар қолган тўртта ўйин жамоанинг келажаги учун ҳал қилувчи аҳамият касб этади.