Луис Энрике ПСЖ юлдузларини Бавария билан ўйин олдидан огоҳлантирди
ПСЖ бош мураббийи Луис Энрике Чемпионлар лигаси доирасидаги Баварияга қарши жавоб ўйини олдидан ўз шогирдларини руҳан тайёрламоқда. Испаниялик мутахассис теннис афсонаси Рафаел Надалнинг сўзларидан иқтибос келтириб, кучли рақибга қарши ўйинлар футболчиларни янада кўпроқ сафарбар этиши кераклигини таъкидлади. Бу ҳақда Goal.com хабар беради.
Энрике ўз жамоасининг мотивациясини юқори баҳоласа-да, ҳаддан ташқари ҳиссиётга берилиш хавфли эканлигидан огоҳлантирди. У айниқса Оусмане Дембеле каби юлдуз футболчиларни ўз ҳис-туйғуларини жиловлашга ва совуққонликни сақлашга чақирди.
Париждаги 5:4 ҳисобидаги ғалабали баҳсдан сўнг, ПСЖга финал йўлланмасини қўлга киритиш учун дуранг ҳам кифоя қилади. Бироқ мураббий ҳимояга ётиб олиш ниятида эмаслигини, жамоа доимо ғалаба учун майдонга тушишини маълум қилди.
Таркибдаги йўқотишларга тўхталадиган бўлсак, жароҳат олган ҳимоячи Ачраф Ҳакими ушбу муҳим учрашувни ўтказиб юборади. Унинг ўрнини ярим ҳимоячи Wаррен Заире-Эмерй эгаллаши кутилмоқда.