Москвада май ойида ёрқин юлдузлар ёмғирини кузатиш мумкин бўлади
6-майга ўтар кечаси Москва аҳолиси Май Акваридалари метеорлар оқимининг энг юқори чўққисини кузатишлари мумкин. Астрономларнинг ҳисоб-китобларига кўра, бу вақтда "юлдузлар ёмғири" интенсивлиги соатига 40 тагача етиши кутилмоқда. Бу ҳақда Ixbt.com хабар беради.
Москва планетарийси мутахассисларининг таъкидлашича, ҳодисани кузатиш учун энг қулай вақт тунги соат 02:00 дан 04:00 гача бўлган оралиқдир. Энг яхши кўриниш шарқий ёки жануби-шарқий уфққа қараган очиқ жойларда бўлади.
Шаҳар шароитида кузатув олиб бориш учун баланд қаватлардаги балконлар ҳам жуда мос келади. Метеорлар оқими Ҳаллей кометасининг чанг изи зарраларидан иборат бўлиб, улар Ер атмосферасига тахминан 100–120 км баландликда кириб, ёрқин чақнашлар билан ёниб кетади.
Ушбу ҳодисанинг радианти Сувчи юлдуз туркуми ҳудудида жойлашган. Айнан шу сабабли метеорлар оқими ўз номини олган ва ҳар йили баҳор фаслида кузатувчилар учун ажойиб манзара тақдим этади.