Титаникни ҳам ортда қолдирувчи дунёдаги энг катта ва ҳашаматли круиз
Ушбу Титаникни ҳам доғда қолдирувчи энг катта кема қурилишига 2 миллиард доллар сарфланган. Узунлиги 3,5 та футбол майдонидек келади ва у ҳақиқий сузувчи шаҳарни эслатади.
Кемада 20 та палуба мавжуд. Унда тропик ўсимликларга бой марказий парк, катта аквапарк, картинг трассаси, 30 дан ортиқ аттраксион ва 40 дан зиёд ресторан ҳамда барлар мавжуд.
Бундан ташқари беш юлдузли меҳмонхона билан тенглаша оладиган ҳашаматли меҳмонхоналари ҳам бор.
Бу лайнер бир вақтнинг ўзида 7 мингдан ортиқ йўловчини ҳамда 2 минг экипаж аъзосини сиғдира олади ҳамда у очиқ океанда бирга сузиб бораётган деярли 10 минг кишилик улкан шаҳардир.